لکھنؤ۔(ابوشحمہ انصاری)ہندی فلمی دنیا کے عظیم گلوکار محمد رفیع کو یاد کرتے ہوئے بالی ووڈ اداکار فیروز خان کی آنکھیں نم ہوگٸی۔وہ کسی ذاتی کام سے لکھنؤ آئے تھے۔اس دوران صحافیوں سے گفتگو کرتے ہوئے اداکار فیروز خان نے کہا کہ اپنی آواز سے لوگوں کے دلوں پر راج کرنے والے موسیقار محمد رفیع جی آج بھی ہمارے دلوں میں موجود ہیں اور ہمیشہ رہے گے۔آپ کو بتاتے چلیں کہ فیروز خان نے مہابھارت میں ارجن کا اہم کردار ادا کیا تھا۔ لوگوں نے انہیں ارجن کا نام دیا۔ کرن ارجن، جگر، کھوٹے سکے جیسی سپر ہٹ فلموں میں کام کر کے لوگوں کے دلوں پر راج کر رہے ہیں۔انہوں نے تقریباً 300 فلموں میں اپنا کردار ادا کیا۔ اس موقع پر ورلڈ ہیومن رائٹس آرگنائزیشن کے قومی چیف جنرل سکریٹری معراج انصاری، انڈین جرنلسٹس ایسوسی ایشن کے بارہ بنکی ضلع صدر عبید انصاری، ضلع جنرل سکریٹری دانش انصاری، ضلع سکریٹری محمد عبید انصاری،محمد شہیر، تحصیل نائب صدر مہیش چکروتی موجود رہے۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
