- جالنہ سنی اجتماع اختتام پذیر
شریعت پر عمل ہی میں نجات ہے۔ غوث اعظم رضی اللہ تعالی عنہ کی تعلیمات پر عمل کرکے ہم دنیا اور آخرت میں کامیاب ہوسکتے ہیں۔ حضور غوث اعظم رضی اللہ تعالی عنہ نے چالیس سال تک عشاء کے وضو سے فجر کی نماز ادا فرمائی پندرہ سال روزانہ ایک رات میں مکمل قرآن پاک ختم فرمایا کرتے تھے اور پوری زندگی درس و تدریس، وعظ و نصیحت اور رشد وہدایت کے فرائض انجام دیتے رہے، اور اولیاء کرام سے محبت اور انکے طریقے پر چلنے میں ہی نجات ہے،اولیاء کرام سے بغض،دشمنی ایمان کے لئے زہر قاتل ہے اس طرح کا اظہار خیال مفتی اعظم مہاراشٹر مفتی محمود اختر القادری رضوی امجدی نے امام احمد رضا چوک جالنہ میں منعقد 20 فروری 2022ءبروز اتوار بعد نماز مغرب عظیم الشان سنی اجتماع سے خطاب فرماتے ہوئے فرمایا اور مفتی غلام نبی امجدی نے فرمایا فضا میں اڑنے ،پانی پر چلنے کا نام ولایت نہیں بلکہ شریعت پر عمل کے ذریعے ولایت مل سکتی ہے شیر میسور ٹیپو سلطان بھی ایک عظیم ولی تھے آپ نے پوری زندگی شریعت میں گذاری لہذا ان کے ماننے والوں پر ضروری ہے کہ شریعت پر سختی سے عمل کرکے سچا خراج عقیدت پیش کرے۔مولانااللہ بخش امجدی نے حدیث شریف کے حوالہ سے فرمایا کہ جو انسان جس سے محبت کرتا ہے اس کا حشر اس کے ساتھ ہوگا اور محبت کا تقاضا یہ ہے کہ محبوب کے طریقے پر چلا جائے اگر ہم غوث اعظم رضی اللہ سے محبت کرتے ہیں تو ہمیں بھی غوث اعظم رضی اللہ عنہ کے طریقے پر چلنا ہوگا اللہ بخش امجدی نے عوام اہلسنت سے نماز کی پابندی گناہ سے بچنے اور نیک کام کرنے اور بالخصوص شریعت پر سختی سے عمل کرنے کا عہد لیا ۔اور نیاز بھی کریں مگر کسی بھی حال میں نماز نہ چھوڑیں۔ نظامت کے فرائض بھی مولانا اللہ بخش امجدی نے انجام دیئے اور بارگاہِ مصطفی صلی اللہ علیہ وسلم اور اولیاء کرام نعت و منقبت کے گلدستے تحسین رضا اورنگ آبادی اور حافظ ریحان رضا نے انجام دیئے اس عظیم الشان اجتماع میں مفتی جلال الدین امجدی نانڈیڈ، حافظ ذاکر دیوالگاوں ،مولوی انصار صاحب ،حافظ فیاض صاحب ،سید عرفان صاحب، مجاہد صدیقی،مبشر صدیقی،وجاہت خان وغیرہ نوجوانان اہل سنت نے اس اجتماع کو کامیاب بنانے کے لیے کوشش فرمائی،جماعت رضائے مصطفے شاخ جالنہ کے بینر تلے اس عظیم اجتماع میں سیکڑوں کی تعداد میں عوام نے شرکت فرمائی تقریبا 10:30 مفتی صاحب قبلہ کے خطاب مع سوالات و جوابات بعدہ صلاۃ و سلام اور مفتی صاحب قبلہ کی رقت انگیز دعا پر یہ دینی روحانی سنی اجتماع اختتام پذیر ہوا۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
