بارہ بنکی(ابوشحمہ انصاری) پہلے خشک سالی اور اب موسلا دھار بارش نے دھان کی فصل کو برباد کر دیا۔ ضلع بھر سے بارش کی وجہ سے دھان کی فصل پانی میں ڈوبنے کی اطلاعات موصول ہوئی ہیں۔ اس کے علاوہ باجرا اور گنے کی فصلوں کو بھی نقصان پہنچا ہے۔ زیر آب فصلوں کو دیکھ کر کسانوں کے چہروں پر تشویش کی لکیریں دیکھی جا سکتی ہیں۔ بدھ سے ہونے والی بارش کے باعث کھیتوں میں لگی فصلیں پانی میں ڈوب گئی ہیں۔ کٹے ہوئے دھان اور اورد کی فصلیں کھیتوں میں ڈوب گئیں۔ اس کے علاوہ سرسوں اور گنے کی فصلوں کو بھی بھاری نقصان پہنچا ہے۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
