بہرائچ شریف کے دارالعلوم مسعودیہ مصباحیہ خسیاری مسجد میں آج ہفتہ کے دن مہراج گنج قصبہ میں دنگا سے متاثرین افراد کے لیے راحت کا سامان تقسیم کیا گیا۔
اس موقع پر ممبئی سے قائد اہلسنت اسیر حضور مفتی اعظم الحاج محمد سعید نوری بانی و سربراہ اعلیٰ رضا اکیڈمی ممبئی اور شہزادۂ شیر ملت حضرت علامہ مولانا اعجاز احمد کشمیری نائب صدر آل انڈیا سنی جمعیت علماء ممبئی تشریف لائے۔
دارالعلوم مسعودیہ مصباحیہ خسیاری مسجد کے بانی و سربراہ اعلیٰ خطیب اہل سنت حضرت علامہ الحاج محمد معین الدین قادری اور دارالعلوم کے پرنسپل مبلغ اسلام ادیب شہیر حضرت مولانا محمد عارف صاحب قبلہ دام ظلہ العالی بھی ساتھ رہیں۔ ساتھ ہی حضرت مولانا محمد اعظم صاحب قبلہ حشمتی موجود رہیں۔
اس موقع پر برکات مدینہ فاؤنڈیشن کے صدر مولانا محمد حفیظ الرحمٰن رحمانی قادری برکاتی نوری اور تحریک پیغام انسانیت کے بانی مولانا نظام احمد صاحب نے متاثرین کو تیس(30) عدد رضائی(لحاف) تقسیم کیے۔
اس کے علاوہ دیگر سیکڑوں علمائے اہل سنت نے بھی اس میں بڑھ چڑھ کر حصہ لیا۔ 250 سے زائد متاثرین کو دو دو کمبل اور راشن کٹ (خورد ونوش کی اشیاء) تقسیم کیا گیا۔ مزید یہ سلسلہ ان شاءاللہ کئی روز تک جاری رہے گا۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
