سنت کبیر نگر: عظیم صوفی بزرگ محی السنہ عارف باللہ خطیب البراهین علامہ شاہ صوفی محمد نظام الدین قادری برکاتی محدث بستوی علیہ الرحمہ کا گیارہواں سالانہ عرس نظامی خانقاہ قادریہ برکاتیہ رضویہ نظامیہ اگيا شریف میں بڑے تزک واحتشام کے ساتھ منایا گیا۔
عرس کی تمام تقریبات صاحب سجادہ حبیب العلماء علامہ شاہ صوفی محمد حبیب الرحمٰن رضوی کی سرپرستی اور نبیرہ خطیب البراهين مولانا ضیاءالمصطفی نظامی کی زیر نگرانی منعقد ہوئیں۔
عرس کی تقریبات کا آغاز 3 نومبر بروز اتوار بعد نماز فجر قرآن خوانی سے ہوا، بعد نماز ظہر نظامی منزل سے جلوس چادر نکل کر اپنے روایتی راستوں سے ہو کر خانقاہ نظامیہ پہونچا۔ فاتحہ خوانی ہوئی اور وابستگان کے لیے صاحب سجادہ کی نگرانی میں حلقہ ذکر کی مجلس آراستہ ہوئی۔
بعد نماز عشاء عالمی نظامی کا نفرنس کا انعقاد ہوا جس میں ملک و بیرون ملک سے آنے والے علماء و مشائخ کے نورانی بیانات ہوئے اور شعراء نے منظوم خراج عقیدت پیش کیا۔
آج صبح بعد نماز فجر قرآن خوانی ہوئی اور صبح 8 بجے قل شریف، فاتحہ خوانی اور صاحب سجادہ کی دعا پر عرس کی تقریبات اختتام پذیر ہوئیں۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
