سیتامڑھی (پریس ریلیز) تاجدار ترہت،شیخ العرفا برکتہ الزمان حضرت مولانا شاہ عبد الرحمن محبی قدس سرہ کا قائم کردہ ادارہ مدرسہ نورالھدی پوکھریرا کاجلسہ دستاربندی 3/دسمبروز ہفتہ شہزادہ ابرار العلما حضرت مفتی احسن رضا صاحب کی صدارت اور استاذ القرا والحفاظ حضرت قاری اعجاز صاحب کی قیادت میں نہایت شوکت واحترام کے ساتھ انعقادپذیرہوا غازی ملت خطیب الہند حضرت علامہ غلام رسول بلیاوی صاحب قبلہ صدر ادارہ شرعیہ بہار پٹنہ،ماہررضویات حضرت علامہ ڈاکٹر امجدرضا امجدصدر قاضی ادارہ شرعیہ بہار پٹنہ،محمدقمرالزماں مصباحی ڈائریکٹر ادارہ لوح وقلم مظفرپور نےاپنے خطابات سے سامعین کو لطف اندوز کیا حضرت غازی ملت نے دورانِ گفتگو فرمایا کہ مدارس اسلامیہ دین کے وہ مضبوط اورمستحکم قلعے ہیں جہاں سے ہر لمحہ قال اللہ وقال الرسول کی صدائے دل نواز سنائی دیتی ہے ، آپ نے ایسے مدرسہ کی بنیاد ڈالی جہاں اچھے معاشرے کی تشکیل کاہنرسکھایا جاتا ہے ،دین کےداعی،شریعت کے سپاہی اورمسلک اعلیٰ حضرت کے مبلغین تیار کئے جاتے ہیں،اخلاص فی الدین کی تعلیم دی جاتی ہے ، ماہررضویات ڈاکٹر امجدرضا امجد نے شہزادہ ابرار العلما حضرت مفتی احسن رضا صاحب کی قلمی کاوش,, فرزندانِ مدرسہ نور الھدی،، کا اجرا کرتے
ہوئے فرمایا کہ مفتی صاحب نےاس کتاب کو لکھ تاریخ میں اپنا نام محفوظ کر لیامزید فرمایا کہ ماضی کی گم شدہ کڑیوں کو جوڑنے میں نہایت مجاہدانہ اورغازیانہ کرداراداکیااورتاریخ میں میں ہمیشہ کےلئے اپنا نام درج کرالیا
محمدقمرالزماں مصباحی مظفرپوری نے اپنی تقریر میں فرمایا کہ برکتہ العصرمسندعلم وعرفان کی آبرو محب اعلیٰ حضرت مولانا شاہ عبد الرحمن قدس سرہ جن کی آہ صبحِ گاہی اورنالہ نیم شبی سے دینی وعلمی شوکتوں کاوقار قائم ہے پورے شمالی بہار میں سب سے پہلے بنام مدرسہ نورالھدی علوم مصطفوی کا چراغ آپ نے ہی روشن کیا جس کے قیام کو سو سال سے زائد زمانہ بیت گیا اس سوسال کی طویل مدت میں علم و ادب ،فضل و کمال ، فکروفن اورشعورآ گہی کی ایسی ایسی علمی ،دینی اورمذہبی شخصیات پیدا کیں جن کی تدریسی خدمات کے اجالوں سے از کراں تاکراں منور ہےاوراپنے علم کی نکہتوں سے ایک عالم کو معطر کئے ہوئے ،صدراجلاس حضرت مفتی احسن رضا صاحب قبلہ نے اپنے خطاب میں کہا کہ مدرسہ نورالھدی پوکھریرا نےاپنے گہوارہ علم وشعوراورفضل وکمال سے ایسے چاندوسورج پیدا کئے جس کی ضیائیں صبحِ قیامت تک باقی رہیں گی،محدث اعظم حضرت علامہ احسان علی مظفرپوری جنہوں نے چالیس سال تک جامعہ منظر اسلام بریلی شریف میں اپنے علم و فن کے چشمے بہائے اسی مدرسہ نورالھدی پوکھریرا کے پروردہ تھےجن کے تلامذہ میں حضرت مفسر قرآن علامہ ابراہیم رضا جیلانی میاں اورحضرت تاج الشریعہ علیہما الرحمہ جیسی دنیائے فقہ وتفسیر کی نامور شخصیت ہے شعرائے کرام میں حضرت دلبراسلمی،توقیر الہ آبادی اورجوہراسلام پوری نے اپنے کلام سے سامعین کو محظوظ کیانقابت کے فرائض نقیب الملک حضرت محبوب گوہراورخورشیدالاسلام ،اسلام پوری نے انجام دئیے صلوةوسلام اورصدرمحترم کی دعا پر جلسہ اختتام پذیر ہوا۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
