رام سنہی گھاٹ،بارہ بنکی (ابوشحمہ انصاری)پیشگی معلومات کے مطابق 23 ستمبر 2022 کو شری رام سیوا سمیتی ٹیم کے عہدیداروں اور کارکنوں نے تحصیل کیمپس رام سنہی گھاٹ پر مختلف مسائل کو لے کر دھرنا مظاہرہ شروع کیا تو ڈپٹی ڈسٹرکٹ مجسٹریٹ نے بلاک ڈیولپمنٹ آفیسربنی کوڈر کو ایک خط بھیجا ۔ جس میں ہدایت کی گئی کہ مذکورہ میمورنڈم کے مسائل کو 1 ہفتے کے اندر حل کروا کر آگاہ کیا جائے، اس یقین دہانی پر احتجاجی مظاہرہ ملتوی کرتے ہوئے تنظیم کی جانب سے فیصلہ کیا گیا ہے کہ اگر مقررہ مدت میں مسائل حل نہیں ہوتے تو پھر تحصیل احاطے رام سنیہی گھاٹ میں دھرنا دینے پر مجبور ہونگے، جس کی تمام تر ذمہ داری متعلقہ محکمہ اور انتظامیہ کی ہوگی۔دھرنے کے دوران راشٹریہ صدر ڈی این ایس تیاگی،مایارام یادو،تیج بہادر،پریم یادو،رام پرسادقنوجیا، نرمل شکلا کے علاوہ عوام کثیر تعدادمیں موجود رہے۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
