مقبوضہ بیت المقدس میں یہودی آباد کاروں کا فلسطینی شہریوں کے گھروں پر حملہ

• آباد کاروں کے ایک گروپ نے گاوں پر دھاوا بول دیا اور قابض فوج نے شہریوں کے گھروں پر براہ راست گولیاں برسائیں۔

مقبوضہ بیت المقدس(انٹرنیشنل ڈسک)گلوبل ٹائمز میڈیا یورپ کے مطابق یہودی آباد کاروں نے مقبوضہ مغربی کنارے کے جنوب میں بیت لحم کے مشرق میں واقع کیسان گائوں میں شہریوں کے گھروں پر حملہ کیا۔آباد کاروں کے ایک گروپ نے گائوں پر دھاوا بول دیا اور قابض فوج نے شہریوں کے گھروں پر براہ راست گولیاں برسائیں ، آنسو گیس کی شیلنگ کی جس سے متعدد شہری دم گھٹنے سے بے ہوش گئے۔قابض فوج نے گائوں کے داخلی راستے بند کر دیئے اور شہریوں کو اپنے گھروں کی طرف جانے سے روک دیا۔اسی تناظر میں قابض فوج نے شہر کے وسط میں الکفرکہ کے علاقے میں دھاوا بولا اور ابراہیم زواہرہ کے گھر پر چھاپہ مارا۔قابض اسرائیلی فوج نے ایک نوجوان کو القدس سے پوچھ گچھ کے لئے طلب کیا اور دوسرے کی گرفتاری میں توسیع کی۔قابض فوج نے نوجوان بہا ابو تایہ کو مسجد اقصیٰ کے جنوب میں واقع قصبے سلوان سے اس کے گھر پر چھاپہ مارنے کے بعد طلب کیا۔

اپنے وہاٹس ایپ پر تازہ ترین خبریں پانے کے لیے یہاں کلک کریںْ!