بارہ بنکی۔ (ابوشحمہ انصاری) شہر کے محلہ رفیع نگر میں واقع ڈاکٹر ابرار حسین عثمانی کی رہائش گاہ پر مولانا فہیم احمد کی صدارت اور ڈاکٹر ابرار عثمانی کی نظامت میں طلباء کے اعزازی تقریب کا انعقاد کیا گیا۔ پروگرام کا آغاز تلاوت قرآن مجید کی آیات سے ہوا۔منعقدہ پروگرام میں مدرسہ بورڈ کے امتحان میں پہلی پوزیشن میں کامیاب ہونے والے طلباء وطالبات کو پھولوں کے ہار پہنا کر اعزاز سے نوازا گیا۔ اس موقع پر 19 لڑکوں اور لڑکیوں کو تحائف اور تعریفی اسناد پیش کی گئیں۔ پہلا انعام سب سے زیادہ نمبروں کے ساتھ قصبہ کرسی میں واقع مدرسہ کی طالبہ شبینہ ولد وسیم کو دیا گیا۔ اس موقع پر موجود ڈاکٹر سلطانہ نے تمام بچوں کو اپنی طرف سے سو- سو روپے نقد انعام کے طور پر دیے۔ اعزاز حاصل کرنے والے 13 طلبہ کا تعلق کرسی مدرسہ سے، 4 طلبہ مدرسہ عربیہ رحمان گنج کے، ایک طالب علم زید پور مدرسہ اور ایک طالبہ مدرسہ عربیہ حنفی العلوم بنکی سے ہے۔ پروگرام میں موجود لوگوں نے اپنے خطاب میں کہا کہ دینی تعلیم کے ساتھ ساتھ بچوں کو جدید تعلیم بھی فراہم کی جائے۔ تاکہ وہ بعد میں ڈاکٹر، انجینئر، آئی اے ایس اور آئی پی ایس میں اپنی جگہ بنا سکیں۔ پروگرام میں طارق جیلانی،فیض خمار، شعیب انور، عمران ندوی، ماسٹر شاہنواز،ڈاکٹر تنویر سلطانہ، ڈاکٹر اکمل علوی،ڈاکٹر سلمان یونس، شمس الدین، زبیر قدوائی، ساحل عثمانی، چندن عثمانی اور حمزہ وغیرہ موجود تھے۔ پروگرام کے اختتام پر ٹرسٹ کے منیجر ڈاکٹر اے ایچ عثمانی نے سبھی کا شکریہ ادا کیا۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
