بارہ بنکی(ابوشحمہ انصاری) شہر کے بابو کے ڈی سنگھ اسٹیڈیم میں آج پنڈت دین دیال اپادھیائے کے اعزاز میں گزشتہ کئی سالوں کی طرح اس سال بھی ہاکی اور بیڈمنٹن ٹورنامنٹ کا افتتاح مہمان خصوصی، ایسوسی ایشن کے صدر اور فلمی اداکار دیویندر پرتاپ سنگھ "گیانو” کی موجودگی میں کیا گیا۔ ڈپٹی اسپورٹس آفیسر نیلم صدیقی کی موجودگی میں کھلاڑیوں سےتعارف کیا۔ اس موقع پر انہوں نے کہا کہ بھارتیہ جنتا پارٹی کی حکومت نے کھلاڑیوں کے اعزاز میں مختلف اسکیمیں نافذ کی ہیں جن میں ریاست، خواتین اور بین الاقوامی سطح پر کھلاڑیوں کو براہ راست ملازمتیں دینے کا کام قابل ستائش ہے۔ ہاکی ایسوسی ایشن کے جنرل سیکرٹری مظہر عزیز خان نے بتایا کہ اس ٹورنامنٹ میں ضلع کی آٹھ ٹیمیں شامل تھیں جن میں بنیادی طور پر عظیم الدین اشرف اسلامیہ انٹر کالج اور رام پرساد میموریل انٹر کالج کے درمیان مقابلہ ہوا جس میں عظیم الدین اشرف اسلامیہ انٹر کالج نے رام پرساد میموریل ٹیم کو شکست دی۔ دوسری جانب بیڈمنٹن گرلز ٹیم میں بیڈمنٹن کھلاڑی اپوروا اور سپریا کے درمیان میچ ہوا جس میں اپوروا نے جیت حاصل کی۔ اس موقع پر ہاکی کے کھلاڑی محمد رفیع کرشنا گوپال "بچہ” چندا رانی محمد اسلم سمیت معزز شخصيت نے شرکت کر کھیلاڑیوں کی حوصلہ افزائی کی۔
