نئی دہلی، 19 مئی، 2022: اسپائس جیٹ، ہندوستان کی پسندیدہ ایئر لائن، نے ونڈوز پروڈکشن کے ساتھ مل کر، نیتا جی سبھاش چندر بوس انٹرنیشنل ایئرپورٹ پر فلم بیلشورو کے ’تپا تینی‘ گانے پر حیرت انگیز فلیش موب کا اہتمام کیا۔
مشہور بنگالی اداکارہ مونامی گھوش کی قیادت میں اسپائس جیٹ کے 20 کیبن کریو اور زمینی عملے کی ایک ٹیم پر مشتمل پرفارمنس آنجہانی سومترا چٹوپادھیائے اور آنجہانی سواتیلیکھا سینگپتا کو بیلشورو میں ان کے آخری کام کے لیے خراج تحسین پیش کرنے کے لیے پیش کی گئی۔
اسپائس جیٹ فلم بیلشورو کے لیے آفیشل ایئرلائن پارٹنر ہے، جو ایک بوڑھے جوڑے کی ایک دلکش محبت کی کہانی ہے جو وقت کی ریت پر نقش چھوڑتا ہے ۔
فلم 20 مئی 2022 سینما گھروں میں ریلیز ہونے والی ہے۔ یہ فلم سومیترا چٹوپادھیائے اور سواتیلیکھا سینگپتا کا بنگالی فلموں میں آخری کام ہے۔
سومترا چٹوپادھیائے کو پدم بھوشن (2004) اور دادا صاحب پھالکے ایوارڈ (2012) سے نوازا گیا تھا اور انہیں ہندوستانی بنگالی سنیما کی تاریخ کے سب سے بڑے اور بااثر اداکاروں میں شمار کیا جاتا ہے۔ وہ ہدایت کار ستیہ جیت رے کے ساتھ اپنے تعاون کے لیے مشہور ہیں، جن کے ساتھ انھوں نے کئی فلموں میں کام کیا۔ سواتیلیکھا سینگپتا بطور اداکار ہندوستانی تھیٹر میں ان کے تعاون کے لیے سنگیت ناٹک اکادمی ایوارڈ حاصل کرنے والی ہیں۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
