سعادت گنج بارہ بنکی: (پریس ریلیز) قصبہ سعادت گنج محلہ قاضی میں حافظ محمد سالم نے حافظ محمد زبیر کی نگرانی میں قرآن حفظ کرنے کی سعادت حاصل کی اس مناسبت سے انکی رہائش گاہ پر ایک جشن دستار بندی کا پروگرام منعقد کیا گیا حافظ محمد سالم کی اس عظیم کامیابی پر اہل خانہ سمیت متعلقین اور اساتذہ میں خوشی کا ماحول ہے اس دوران خطاب کرتے ہوئے مدرسہ عائشہ صدیقہ للبنات کے ناظم اعلٰی مولانا حامد رضا نے قرآن حفظ کرنے والے بچے حافظ محمد سالم اس کے والدین اور اساتذہ کو مبارک باد پیش کرتے ہوئے قرآن حکیم کی عظمت پر روشنی ڈالی اور کہا کہ جس دلچسپی اور جزبہ کے ساتھ اللہ تبارک و تعالی نے اس بچے کو اپنے مقدس کلام کو حفظ کرنے کی توفیق دی ہے, باری تعالی اسی جزبہ کے ساتھ ساری زندگی قرآن کی روشنی میں اپنے آپ کو ڈھالنے کی سعادت اور توفیق عطا فرمائے۔ مولانا نے مزید بیان کرتے ہوئے کہا کہ جس انسان کو اس کلام سے وابستگی ہوجائے جس کی زبان پر اللہ تبارک تعالی اپنے اس کلام کی تلاوت کو آسان فرمادیں جس کے سینے میں اللہ تعالی اپنے کلام کی آیات کو محفوظ فرمادیں اس سے زیادہ غنی اس روئے زمین پر کوئی دوسرا نہیں ہو سکتا۔ اسی دوران مدرسہ اہلسنت حشمت العلوم رام پور کٹرہ کے منیجر مولانا جابر القادری نے بھی خطاب کرتے ہوئے کہا کہ قرآن کی مخالفت میں پہلے بھی آوازیں بلند ہوتی رہی ہیں لیکن مخالفین کو ہمیشہ رسوائی ہاتھ لگی ہے کیونکہ قرآن کریم کی حفاظت کی ذمہ داری اللہ تعالیٰ نے اپنے ذمہ لے رکھی ہے ۔ قرآن کریم آسمانی کتاب ہے اللہ تعالیٰ نے اسے نازل فرمایا اور وہی اس کی حفاظت کرنے والا ہے ۔ اس موقع پر موجود مولانا اسرار نوری۔ حافظ سراج الدین ۔ حافظ عطاءالرحمن ۔ حافظ محمد شاداب رضا۔ حافظ شاہنواز رضا۔ محمد فرحان۔ محمد سلیم رضا اسماعیلی۔ محمد ذیشان رضا نوری سمیت کثیر تعداد میں لوگوں نے نیک خواہشات اور نیک دعاؤں سے نوازا۔
متعلقہ مضامین
12 ربیع الاول کے چار روزہ تاریخی اجلاس کے سلسلے میں انجمن مسلم آنہ فنڈ کی ذیلی سیرت کمیٹی کی میٹنگ منعقد
12 ربیع الاول کے چار روزہ تاریخی اجلاس کے سلسلے میں انجمن مسلم آنہ فنڈ کی ذیلی سیرت کمیٹی کی میٹنگ منعقد
زید پور میں جوش و خروش سے نکلا جلوس محمدیﷺ
زید پور، بارہ بنکی(ابوشحمہ انصاری)جشن آمدِ رسول ﷺ کے موقع پر اتوار کی صبح سے ہی اسلامی جھنڈوں کا جلوس قصبہ کے مختلف علاقوں سے نعتِ نبی پڑھتا ہوا نکلا۔ شعراء کے کلام کی حوصلہ افزائی کے ساتھ قصبہ میں جگہ جگہ کیمپ لگاکر انعام و اکرام تقسیم کئے گئے۔بارہ بنکی کے مردم خیز قصبہ […]
ٹیچر ٹریننگ پروگرام کا آغاز
رامسنہی گھاٹ، بارہ بنکی(ابوشحمہ انصاری)کونسل اسکولوں کے اساتذہ کے لیے چار روزہ ٹیچر ٹریننگ پروگرام کا آغاز بدھ کو نپن بھارت مشن کے تحت تحصیل رامسنہی گھاٹ کے تحت پریڈلائی بلاک ہیڈ کوارٹر میں کیا گیا۔بنیادی زبان اور اسکل ڈیولپمنٹ کے لیے منعقد کیے گئے اس تربیتی پروگرام کا افتتاح ڈائیٹ مینٹر شری لال چند […]

