مدرسہ فیضان فضل علی شاہ جیلانی فاسٹکاریہ کے وسیع وعریض میدان میں ایک عظیم الشان جلسہ بنام جلسہ غوث اعظم دستگیر 19 اکتوبر 2024 کو منعقد ہوا۔
جلسہ کا آغاز تلاوت قرآن مجید سے کیا گیا۔ بعدہ مدرسہ فیضان فضل علی شاہ جیلانی فاسٹکاریہ و دارالعلوم انوار مصطفیٰ سہلاؤ شریف کے طلبہ و طالبات نے نعت و منقبت، تقریر اور دینی ومذہبی اور تاریخی معلومات پر مشتمل مکالمہ پیش کیا۔ بعدہ شہنشاہ ترنم بلبل باغ مدینہ حضرت حافظ عبدالمجید صاحب انواری نے بہترین نعتیہ کلام پیش کیا۔ پھر خطیب شعلہ بار حضرت مولانا ریاض احمد صاحب انواری فاضل دارالعلوم انوار مصطفیٰ سہلاؤ شریف نے اصلاح معاشرہ اور والدین کی محبت کے عنوان پر شاندار خطاب کیا اور آخر میں خطیب اہلسنت حضرت علامہ و محمد حسین صاحب قادری انواری مدرس دارالعلوم انوار مصطفی سہلاؤ شریف نے شان غوث اعظم اور نماز سے محبت کے عنوان پر جامع خطاب کیا۔ آخر میں صلوٰة و سلام کے ساتھ جلسہ اختتام پزیر ہوا۔
پھر علاقہ تھار کے مشہور مولودی حضرات نے انتہائی والہانہ انداز میں اپنی مادری سندھی زبان میں مولود شریف پیش کیا۔
نظامت کے فرائض حضرت مولانا شمار علی قادری انواری و مولانا خالد رضا صاحب انواری نے مشترکہ طور پرانجام دیا۔
اہم شرکاء میں ، حضرت سید میر محمد شاہ قادری ارٹی ، حضرت مولاناالحاج سخی محمد قادری چیف خلیفہ جیلانی جماعت،خلیفہ محمد علی، خلیفہ دریا خان ، خلیفہ علی محمد قادری فاسٹکاریہ ، مولانا جان محمد انواری ، مولانا عبدالرؤف انواری، مولانا وکیل احمد قادری انواری ، مولانا محمد حسن رضا انواری ، مولانا روشن الدین انواری ، قاضی گل محمد صاحب اور تمام علماء کرام و خلفائے جیلانی جماعت موجود رہے۔
رپورٹ:- (مولانا) جمال الدین انواری
خادم:مدرسہ فیضان فضل علی شاہ جیلانی فاسٹکاریہ ،تحصیل: دھناؤ،ضلع:باڑمیر(راجستھان)
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
