صوبہ مدھیہ پردیش کا مردم خیز علاقہ دے پال پور کے عزیز المساجد میں جمعہ کے موقع پر مولانا آصف جمیل امجدی نے خطاب فرمایا جس میں انہوں نے تعلیماتِ غوث الاعظم رضی اللہ عنہ کی روشنی میں زندگی گزارنے کی اہمیت پر زور دیا۔ مولانا نے کہا کہ آج کے دورِ پُرفتن میں ہمیں تعلیماتِ اولیاء اللہ کو اپنانے کی ضرورت ہے تاکہ ہم دینی و دنیاوی فلاح حاصل کر سکیں۔
انہوں نے مزید کہا کہ غوث اعظم رضی اللہ عنہ کی تعلیمات نہ صرف ہمیں خدا کی قربت عطا کرتی ہیں بلکہ ہمیں انسانیت کی خدمت اور معاشرتی برائیوں سے دور رہنے کا درس بھی دیتی ہیں۔ آج کے زمانے میں جو اخلاقی و معاشرتی زوال ہے، اس کا بہترین حل تعلیماتِ اولیاء میں پوشیدہ ہے، جس پر عمل پیرا ہونا وقت کا تقاضا ہے۔
خطاب کے اختتام پر مولانا نے لوگوں کو دعوت دی کہ وہ اللہ اور اس کے رسول ﷺ کے سچے غلام بنیں اور غوث الاعظم رضی اللہ عنہ کی روحانی تعلیمات کو اپنی عملی زندگی میں نافذ کریں تاکہ ان کی زندگی دین اور دنیا میں کامیابی کی ضامن ہو۔
اس جمعہ کے خطاب نے سامعین کو غوث الاعظم کی محبت اور عقیدت میں مزید مضبوط کیا، اور انہوں نے اس پیغام کو اپنی زندگی کا حصہ بنانے کا عہد کیا۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
