دھنباد: 16 ستمبر
آج شام کو دس روزہ محفل جشن عید میلاد النبی فیضانِ مدینہ مسجد میں اختمام پذیر ہوئی۔ یہ دس روزہ محفل اپنی روحانی و علمی قدر کے باعث خاص توجہ حاصل کی شہر دھنباد کی یہ محفل جشن عید میلاد النبی ﷺ نہ صرف مذہبی بلکہ ثقافتی اور تعلیمی لحاظ سے بھی اہمیت کی حامل رہی۔
اس میں شرکت کرنے والے علماء کرام اور دیگر شخصیات نے اپنی وعظ و گفتگو سے عوام الناس کو اہم پیغام پہنچایا۔
اس محفل میں دھنباد کے کئی علماء نے شرکت کی اس موقع پر خاص طور پر حضرت قاری جسیم مظہروی صاحب قبلہ نے اپنے خطاب میں حضور کی زندگی کے مختلف پہلوؤں پر روشنی ڈالی اور ان کے اخلاق حمیدہ کی اہمیت کو اجاگر کیا۔
ان کی تقریر نے حاضرین کو روحانی و علمی طور پر متاثر کیا۔
اس محفل میں شرکت کرنے والے مولانا سعود عالم مصباحی، قاری محمود صاحب، حافظ عبدالمتین صاحب قاری راشد مدنی، صدر سبیل حسین ٹرسٹ مولانا حافظ عارف رضا قادری حفظہ اللہ ، قاری طیب صاحب،مولانا انور صاحب،مولانا اظہر فریدی،قاری غلام احمد رضا،مولانا نور محمد صاحب،قاری ظہیر صاحب، امام الدین صاحب اس کے علاوہ دیگر لوگوں نے اس موقع کو ممتاز بنایا۔
محفل کے اختتام پر اس بات کا عہد کیا گیا کہ پیغمبر محمد صلی اللہ علیہ وسلم کی تعلیمات کو اپنی زندگیوں میں نافذ کریں گے ۔ تقریب میں موجود افراد نے اس عزم کا اظہار کیا کہ وہ دین اسلام کی تعلیمات کو فروغ دینے اور پیغمبر صلی اللہ علیہ وسلم کے اخلاقی اصولوں پر عمل پیرا رہنے کی کوشش کریں گے۔
دھنباد کی یہ محفل جشن عید میلاد النبی ﷺ ایک کامیاب اور یادگار تقریب تھی جس نے علمی، روحانی اور معاشرتی سطح پر اہم پیغام پہنچایا۔
ان موقعوں پر مصلیان مسجد فیضانِ مدینہ خاص طور پر شانہ بشانہ رہے۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
