مزار اعلیٰ حضرت پر فاتحہ خوانی و چادر پوشی کے ساتھ 1499سے 1500سالہ جشن میلاد النبی تک روزآنہ لنگر رسول صلی اللّٰہ علیہ وسلم کے تقسیم کا اعلان
بریلی شریف
ماہ ربیع الاوّل کی آمد آمد پر ہر طرف خوشی و مسرت کا اظہار کیا جارہا ہے مختلف انداز میں جشن میلاد رسول صلی اللّٰہ علیہ وسلم کی پاکیزہ محافل کا انعقاد ہو رہا ہے
1499سالہ جشن ولادت باسعادت نبی کریم صلی اللّٰہ علیہ کا خوبصورت استقبال بریلی شریف میں دیکھنے کو ملا جہاں رضا اکیڈمی کی جانب سے پرچم رسالت صلی اللّٰہ علیہ وسلم کو لہرا کر ماہ مبیں کا استقبال کیا گیا ساتھ ہی جلوس نکال کر آستانہ امام اہلسنت فاضل بریلوی حضرت امام احمد رضا خان قادری قدس سرہ واحاطہ نور میں آرام فرما بزرگان دین کی بارگاہوں میں فاتحہ خوانی کی گئی اور اس ماہ خیر وبرکت کے طفیل عالم اسلام کے لئے خصوصی دعائیں مانگی گئیں
اس موقع پر بریلی شریف میں نواسہ مفتی اعظم ہند تاج ملت حضرت منان رضا خان صاحب قادری منانی میاں،نبیرہ مفتی اعظم حضرت سراج رضا خان صاحب بنفس نفیس موجود تھے
رضا اکیڈمی کے بانی و سربراہ قائد ملت الحاج محمد سعید نوری صاحب نے کہا کہ ماہ ربیع النور خیر و برکت والا مہینہ ہے جس کی بارہ تاریخ کو آقائے کائنات صلی اللّٰہ علیہ وسلم کی ولادت باسعادت ہوئی
بلاشبہ نعمات الٰہیہ میں سب سے بڑی نعمت سید الانبیاء صلی اللّٰہ علیہ وسلم کی بعثت ہے جن کے تشریف لاتے ہی عدل و انصاف کا بول بالا ہوا
عجمی و عربی کا فرق ختم ہوا
اسی لئے محسن انسانیت رحمت عالم صلی اللّٰہ علیہ وسلم کی آمد پر پوری دنیا خوشی و مسرت کے ترانے گنگناتی ہے
حضرت نوری صاحب نے مزید کہا کہ 1499سالہ جشن ولادت رسول صلی اللّٰہ علیہ وسلم کا استقبال شہر محبت بریلی شریف میں کرنا خود ہی ایک سعادت کی بات ہے اس لیے علماء ومشائخ کی جھرمٹ میں ایک بڑے جلوس کی شکل میں
حاضری دی گئی تاکہ دنیا بھر کے مسلمان یہ جان لیں کہ اس سال 1499کے بعد 2025میں ایک تاریخ رقم ہورہی ہے کہ ہمارے حضور صلی اللہ علیہ وسلم کی ولادت کو 1500سو سال ہو جائیں گے
اب ہمیں یہ موقع ملا ہے کہ ہم اس سال کو ہی اتنے دھوم دھام سے شرع کے مطابق جلوس محمدی صلی اللّٰہ علیہ وسلم کو نکال دیں تاکہ اس کی دھمک عاشقان رسول صلی اللّٰہ علیہ وسلم کو 2025 میں 1500سالہ جشن تک محسوس ہو۔
اس موقع پر شارح بخاری حضرت علامہ محمد عاقل مصباحی صاحب پرنسپل دارالعلوم منظر اسلام بریلی شریف نے کہا کہ آستانہ عالیہ دربار رضا پر عاشقان مصطفٰی صلی اللّٰہ علیہ وسلم نے وجدانی کیفیت میں ہوکر ماہ ربیع الاول کا استقبال کیا اور جلوس کی شکل میں بارگاہ امام میں حاضری دی۔
جلوس استقبال ماہ ربیع النور میں حضرت مفتی قاضی شہید عالم جامعہ نوریہ رضویہ ، مفتی افروز صاحب منظر اسلام، مفتی ایوب صاحب منظر اسلام، مولانا سید شاکر علی منظر اسلام، مفتی اختر صاحب منظر اسلام، مفتی انوار الحق منظر اسلام، مفتی محمود، مولانا عزیز الرحمن جامعہ نوریہ رضویہ، مولانا صغیر اختر جامعہ نوریہ رضویہ، مولانا افضال صاحب دارالعلوم مظہر اسلام وغیرہ موجود رہیں۔
رپورٹ: محمد عارف رضوی
سکریٹری رضا اکیڈمی ممبئی
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
