بارہ بنکی۔(ابوشحمہ انصاری) ریاستی حکومت کے سابق نائب وزیر اعلیٰ ڈاکٹر دنیش شرما نے دیویٰ میلہ پہنچ کر صوفی بزرگ حاجی وارث علی شاہ کی مزار پر چادر چڑھا کر انہیں خراج عقیدت پیش کی۔ انہوں نے کہا کہ دنیا کا مشہور مقدس مقام دیویٰ میلہ ہے ‘رب ہے وہی رام ہے’ کا پیغام دیتا ہے جہاں دنیا بھر سے عقیدت مند اور حاجی وارث علی شاہ کے چاہنے والے بڑی عقیدت کے ساتھ آتے ہیں اور انہیں خراج عقیدت پیش کرتے ہیں۔ آپسی بھائی چارے اور محبت اور ہم آہنگی کی فضا کا پیغام اس مقام سے پوری دنیا تک جاتا ہے۔ ڈاکٹر دنیش شرما سابق نائب وزیر اعلیٰ،کاخیرمقدم ضلع پنچایت رکن سے تعلق رکھنے والے ضلع پنچایت ممبر اوردیویٰ میلہ کمیٹی کے حکومت کی طرف سے نامزد کردہ رکن محمد احمد شہنشاہ نے انہیں گلدستہ پیش کیا۔ انہوں نے کہا کہ ڈاکٹر دنیش شرما سابق نائب وزیر اعلیٰ میرے طالبِ علم کے دور کے ساتھی ہیں۔جو مجھے بہت پیار دیتے ہیں اس پرڈاکٹر دنیش شرما نے کہا کہ محمد احمد شہنشاہ سے ہمارا پرانا لگاؤ ہے، وہ بہت سماجی شخصیت ہیں اور عام لوگوں میں بہت مقبول ہیں۔ استقبال کرنے والوں میں وکاس بھون اسٹاف کونسل کے صدر مصطفی خان بھی موجود رہے۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
