انڈین جرنلسٹس ایسوسی ایشن ہنگولی ضلع یونٹ کا اجلاس ہوا اختتام پذیر

• انڈین جرنلسٹس ایسوسی ایشن صحافیوں کے حقوق کی جنگ لڑے گی: اسلم قریشی

ہنگولی، مہاراشٹرا

انڈین جرنلسٹس ایسوسی ایشن مراٹھواڑہ، مہاراشٹر کے ریاستی صدر اسلم قریشی نے کہا کہ انڈین جرنلسٹس ایسوسی ایشن صحافیوں کے حقوق کے لیے جدوجہد کرے گی اور صحافیوں کے مسائل حل کرے گی۔
انڈین جرنلسٹس ایسوسی ایشن ہنگولی ضلع یونٹ کی میٹنگ سرکاری ریسٹ ہاؤس ہنگولی میں ہفتہ وار پشیگاؤں دربار کے ایڈیٹر پرکاش راوت کی صدارت میں منعقد ہوئی۔ اس موقع پر مراٹھواڑہ مہاراشٹر ریاستی صدر اسلم قریشی اور مراٹھواڑہ مہاراشٹر اسٹیٹ جنرل سکریٹری وینکٹیش سوریاونشی مہمان خصوصی کے طور پر موجود تھے۔
اس موقع پر انڈین جرنلسٹس ایسوسی ایشن کے ضلع صدر انیل کھڈسے کو تقرری کا خط سونپا گیا۔
پروگرام سے خطاب کرتے ہوئے انڈین جرنلسٹس ایسوسی ایشن کے ریاستی صدر اسلم قریشی نے کہا کہ انڈین جرنلسٹس ایسوسی ایشن صحافیوں کے مفادات کے لیے مسلسل جدوجہد کرنے والی ایک سرکردہ تنظیم ہے۔ اس دوران تنظیم کی ترقی اور صحافیوں کے تحفظ کے امور پر تبادلہ خیال کیا گیا۔ صحافیوں کے ساتھ ہونے والے قتل، مارپیٹ، جعلی مقدمے اور بدتمیزی کے واقعات کو افسوس ناک قرار دیتے ہوئے انہوں نے حکومت سے مطالبہ کیا کہ حکومت صحافیوں کے تحفظ کا قانون بنائے اور مقامی پولیس انتظامیہ کو صحافیوں کو فوری تحفظ فراہم کرنے کی ہدایت کرے۔ وینکٹیش سوریاونشی نے کہا کہ مہاراشٹر میں انڈین جرنلسٹ ایسوسی ایشن کو مضبوط بنا کر صحافیوں کے اتحاد اور سالمیت کے لیے کوششیں کی جائیں گی۔جبکہ ضلع صدر انیل کھڈسے نے انڈین جرنلسٹ ایسوسی ایشن کے ذریعے تمام صحافیوں کو انصاف کی یقین دہانی کرائی۔
میٹنگ میں بنیادی طور پر سینئر صحافی پرکاش راوت (ہفتہ وار پشیگاؤں دربار)، انیل کھڈسے (ضلع صدر ہنگولی)، ندیم خان پٹھان (ہنگولی ٹائیگر ڈسٹرکٹ نمائندہ)، دگمبر ہنوتے، جتیندر ہنوتے (ایڈیٹر لاہوجی شکتی)، عبدالعزیز، وشال کھنڈرے نے شرکت کی۔ ، وامان ماگر وغیرہ موجود رہیں۔

اپنے وہاٹس ایپ پر تازہ ترین خبریں پانے کے لیے یہاں کلک کریںْ!