دریاآباد: سیکٹر انچارج و سابق بلاک پرمکھ کی رہائش گاہ پر سماج وادی رکنیت مہم کا انعقاد

دریاآباد/بارہ بنکی (ابوشحمہ انصاری ) بارہ بنکی 270 دریا آباد کے گاؤں کیٹھایا میں سیکٹر انچارج پنکج کمار سنگھ ولد دنیش پرتاپ سنگھ سابق بلاک پرمکھ کے وہاں سماج وادی رکنیت مہم کا پروگرام مکمل ہوا۔
پروگرام کے مہمان خصوصی سماج وادی پارٹی کے لیڈر سابق کابینہ وزیر اور سابق ریاستی جنرل سکریٹری اروند کمار سنگھ گوپ نے سماج وادی پارٹی کے بوتھ صدر کو سماج وادی پارٹی کی رکنیت کی کتاب دی اور ان کی رکنیت کی تجدید کروائی۔
اس موقع پر سابق وزیر اروند سنگھ گوپ نے کہا کہ بیس روپے کی یہ چھوٹی سی رسید کوئی معمولی بات نہیں ہے، جو شخص اس رسید سے ممبر بنے گا وہ 2024 کے لوک سبھا انتخابات میں عوام دشمن بھارتیہ جنتا پارٹی کی حکومت کے مستقبل کا فیصلہ کرے گا۔
ہر بوتھ صدر کو ابتدائی ممبر بنا کر پچاس لوگوں کو پارٹی سے جوڑیں گے، وہ پارٹی کا فعال ممبر بن جائے گا، اسی فعال ممبر کو قومی صدر اور ریاستی صدر کے انتخاب کا حق ملے گا۔
ملک و ریاست کی جابر حکومت نے عام لوگوں کے ساتھ جو صورتحال پیدا کر رکھی ہے اس سے عوام کا جینا محال ہو گیا ہے۔مہنگائی عروج پر پہنچ گئی ہے۔ڈیزل پٹرول سو روپے، گھریلو گیس سلنڈر چار سو سےگیارہ سو روپے میں مل پارہی ہے۔ہر طبقہ پریشان ہے، حکومت ٹیکس میں اضافہ کر رہی ہے، کسان تباہی کے دہانے پر پہنچ گیا ہے، ایک طرف قدرتی آفت کا سامنا ہے تو دوسری طرف بیلوں نے فصل تباہ کرنے میں کوئی کسر نہیں چھوڑی۔ ملک میں جمہوریت کو بچانے اور آئین کی حفاظت کے لیے سماج وادی پارٹی کے زیادہ سے زیادہ ممبر بنیں، آخر میں وشوکرما جینتی پر تمام ہم وطنوں کو دل کی گہرائیوں سے مبارکباد اور نیک خواہشات۔ اس سلسلے میں ایس پی کے تین کارکنوں آشیش سنگھ، ساون سنگھ یادو، سدیش موریہ کو بھی فعال رکنیت کی رسید سونپی گئی۔
اس موقع پر موجود لوگوں میں سابق ایم ایل اے رام گوپال راوت، اجے ورما ببلو، پرمکھ دنیش سنگھ، نسیم کیرتی، حشمت علی گڈو، ببلو سنگھ، پپو سنگھ، رام کرن سنگھ، آشیش سنگھ، پرنشو ورما سابق ڈی ڈی سی، بنو جیسوال سابق ڈی ڈی سی، بنو جیسوال، ونے پرکاش پانڈے، ابھے تیواری، ساون سنگھ یادو، دیو پرکاش تیواری، امیت سنگھ، کملیش بہادر سنگھ، گلاب سنگھ، اکھلیش پرتاپ سنگھ، سریش یادو، رام راج یادو، اروند کمار یادو، رام کرن یادو، محمد اختر، دھرم راج راوت، شیوندرا پراپتا سنگھ وغیرہ موجود تھے۔اور سینکڑوں لوگوں نے تجدید سماج وادی پارٹی کی رکنیت حاصل کی۔

اپنے وہاٹس ایپ پر تازہ ترین خبریں پانے کے لیے یہاں کلک کریںْ!