بارہ بنکی(ابوشحمہ انصاری) خمار میموریل اکیڈمی کا اجلاس شہر کے مغل دربار میں خمار میموریل اکیڈمی کے صدر امیر حیدر کی زیر صدارت منعقد ہوا۔ میٹنگ میں اکادمی کے سکریٹری محمد عمیر قدوائی نے بتایا کہ 15 ستمبر کو سہ پہر 3 بجے مغل دربار کے آڈیٹوریم میں شہنشاہ غزل خمار بارہ بنکوی کے یوم پیدائش پر ایک تقریب کا انعقاد کیا جائے گا۔ خمار میموریل اکیڈمی کے زیراہتمام منعقد ہونے والا یہ سیمینار ‘خمارکی شاعری اور شخصیت’ کے موضوع پر مبنی ہوگا۔ جس میں سابق رکن اسمبلی ظفر علی نقوی، ممتاز شاعر و ادیب ڈاکٹر شارب ردولوی، اردو اکادمی کے سابق صدر ڈاکٹر عصمت ملیح آبادی، ڈاکٹر انور حسین خان، اختر جمال عثمانی کلیدی مقررین کی حیثیت سے اپنے خیالات کا اظہار کریں گے۔ مسٹر قدوائی نے بتایا کہ سابق کابینہ وزیر اروند کمار سنگھ گوپ، رام نگر کے ایم ایل اے حاجی فرید محفوظ قدوائی، ایم ایل اے سریش یادو، گاندھی وادی مفکر راج ناتھ شرما، سابق ڈسٹرکٹ بار ایسوسی ایشن کے صدر برجیش دکشت سمیت کئی معززین اس پروگرام میں بطور مہمان خصوصی موجود ہوں گے۔ میٹنگ میں انور محبوب قدوائی،فیض خمار، ریحان علوی، فراج الدین قدوائی، فضل امام مدنی، پرویز احمد، پردیپ سارنگ، معراج حیدر، عادل امتیاز، محمد علی،محمد وقار اور اکیڈمی کے دیگر اراکین موجود تھے۔
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
