رمضان المبارک رحمتوں اور برکتوں کا مہینہ ہے۔مفتی اعظم راجستھان کا میڈیا سے گفتگو
راجستھان(انٹرنیشنل ڈسک)گلوبل ٹائمز میڈیا یورپ کے مطابق رمضان کے مہینے میں ہر مسلمان ہر لمحہ نماز میں گزارے اور غلط کاموں اور برے الفاظ سے اجتناب کرے۔یہ بات مفتی آعظم راجستھان مولانا شیر محمد نے ایک خصوص ملاقات میں کہی۔ وہ کولکاتا دورے پر آئے ہوئے ہیں۔نامہ نگار نے رمضان المبارک کی شب قدر اور الوداع جمعہ کی موقع پر ان سے یہ گفتگو کی۔مولانا شیر محمد نے کہا کہ رمضان المبارک رحمتوں اور برکتوں کا مہینہ ہے۔مفتی راجستھان نے عام لوگوں سے اپیل کی ہے کہ اللہ تعالیٰ عام مہینوں کے بجائے رمضان کے مہینے میں زیادہ ثواب اور اجر عطا کرتا ہے۔رمضان المبارک میں نیکیوں کا اجر 70 گنا تک بڑھ جاتا ہے۔نفل کا ثواب فرض کے برابر ہے اور فرض کا ثواب 70 فرضوں کے برابر ہے۔انہوں نے کہا کہ فلمیں، ٹی وی دیکھنے، گالی گلوج اور باہمی جھگڑوں سے گریز کیا جائے۔اپنی آنکھوں اور زبان کی حفاظت کریں۔ مولانا شیر محمد نے کہا کہ سچا اور کامل مسلمان وہ ہے جس کی آنکھ اور زبان سے ہر انسان یعنی پوری انسانیت محفوظ ہو۔ خواہ وہ کسی بھی مذہب سے تعلق رکھتا ہو۔ ہمیشہ کسی قسم کی پریشانی نہیں ہونی چاہیے مولانا شیر محمد نے کہا کہ غریبوں، ناداروں، بیواؤں، یتیموں اور مسکینوں کی ہر ممکن مدد کریں۔صدقہ و خیرات بھی مسکینوں کو دیں۔ اسلام باہمی ہم آہنگی، بھائی چارے اور دوستی کا مذہب ہے۔ ہم خوش قسمت ہیں کہ اللہ تعالیٰ نے اس سال ہمیں رمضان المبارک کی برکات سے نوازا ہے، اس لیے ہمیں چاہیے کہ باقی ایام ذکر الٰہی میں گزاریں۔ اب رمضان المبارک کا چوتھا اور آخری جمع یعنی ہ جمعۃ الوداع ہے.اس مہینے سے لطف اندوز ہوں۔انہوں نے مسلمانوں کے لیے کہا کہ رمضان کے آخری عشرہ میں شب قدر کی 5 مبارک راتیں ہیں۔ ان میںرات بھر جاگیں اور ڈھیروں دعائیں کریں۔اپنے چھوٹے بچوں کو خاص طور پر سختی سے ہدایت کریں کہ وہ رات کو موٹر سائیکل پر ادھر ادھر گھوم کر اپنا وقت ضائع نہ کریں۔رمضان کے مہینے کی 27 اور 29ویں شب قدر کا احترام کریں اور رات موٹر سائیکل سواروں کی ٹیموں پر پابندی لگائیں کہ وہ ساری رات سڑکوں پر نہ گھومیں بلکہ اس رات کے اصل مقصد کے مطابق مساجد میں رہیں اور اپنا وقت رب کی عبادت میں گزاریں۔
