علی گڑھ: 22 اپریل
مدرسہ اصلاح معاشرہ تعلیم آباد وحید نگر علی گڑھ میں امسال پہلی مرتبہ 19روزہ تراویح کااہتمام کیاگیا، تراویح کی امامت کی سعادت حضرت حافظ وقاری راشد برکاتی صاحب کے حصے میں ائی اور سامع کے لیے حافظ شارق برکاتی (متعلم مدرسہ خواجہ غریب نواز قادری مسجد، کبیرکالونی علی گڑھ) کا انتخاب ہوا.
قرآن پاک مکمل ہونے پر حضور محبوب العلماء سید محمد امان میاں قادری مدظلہ العالی والنورانی کی صدارت اور عالیجناب سید مصطفی علی قادری صاحب کی قیادت میں جشنِ تکمیل قرآن کا انعقاد کیا گیا جس میں خصوصی خطاب کرتے ہوئے شیخ نعمان احمد ازہری صاحب نے کہا کہ آپ حضرات قابل مبارک باد ہیں کہ آپ نے پورا قرآن پاک تراویح کی نماز میں سماعت کیا اور محفل تکمیل قرآن پاک کا حصہ بنے، مزید انہوں نے کہا کہ قرآن پاک میں اللہ تعالیٰ نے خود فرمایا کہ قرآن رحمت اور شفاء ہے. اس کے باوجود آج ہمارا کیا حال ہے؟ ہم بیماریوں کی دوا کرنے کے لئے طبیبوں (ڈاکٹروں) کے پاس تو جاتے ہیں لیکن قرآن پاک پڑھنے کی دور کی بات، قرآن پاک کھول کر بھی نہیں دیکھتے ہیں، ہمیں دوا کے ساتھ ساتھ تلاوت قرآن پاک سے بھی لازمی برکتیں لینی چاہئیے . ہمیں غور کرنا چاہئے کہ آج ہمارے گھر میں بیماریاں اور پریشانیاں قرآن پاک کی تلاوت نہ کرنے کے سبب سے تو نہیں!.
نظامت کے فرائض انجام دیتے ہوئے ضیاء الرحمن امجدی مدرسہ اصلاح معاشرہ تعلیم آباد نے کہا کہ
قران اللہ تعالی کی نازل کردہ مقدس کتاب ہے، جس کی حفاظت کاخود اللہ تعالی نے اپنے ذمہ کرم پر لیاہے، کوئی انسانی یا شیطانی طاقت اسے مٹا نہیں سکتی ، قیامت تک اسی طرح محرابوں میں قرآن پڑھاجاتا رہے گا۔
نعت پاک ڈاکٹر احسان الحق جامعی، محمد بلال ،محمد رضا نے پیش کیے.
اس موقع پر مولانا شمشاد اجمل برکاتی، مولانا عاصم برکاتی، قاری جاوید برکاتی، قاری اسلام برکاتی، حافظ مونس برکاتی، ڈاکٹر محشر، حافظ عبد الرب، حافظ فیضان، جناب ذاکر، جناب اسرار، جناب نظام، جناب اسد برکاتی، مدرسہ اصلاح معاشرہ تعلیم آباد و مدرسہ خواجہ غریب نواز قادری مسجد کبیرکالونی کے طلباء کرام، اس کے علاوہ تعلیم آباد، وحید نگر کے کافی تعداد میں سامعین حضرات موجود تھے.
صلاۃ و سلام کے بعد عالیجناب سید مصطفی علی قادری صاحب کی دعا سے جشنِ تکمیل قرآن کا اختتام ہوا.
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
