ممبئی۔6دسمبر 2021 کو رضااکیڈمی کی اپیل پر ملک بھر میں بابری مسجد کے یوم شہادت پر آذانیں دی گئیں یہ بھی یاد رہے کہ ممبئی کے شہر و مضافات میں چھ دسمبر کے پیش نظر پولیس نے ریڈ الرٹ جاری کیا تھا وہیں پر رضااکیڈمی کیساتھ دیگر مسلم تنظیموں کی طرف سے بابری مسجد کی شہادت کی برسی پر یوم سیاہ اور آذانیں دینے کا جرأت مندانہ فیصلہ کیا گیا تھا واضح رہے کہ چھ دسمبر 1992 کو شر پسند عناصر نے بابری مسجد کو دن کے اجالے میں شہید کردیا تھا اسی کے مد نظر رضااکیڈمی نے جب سے اس دن یوم سیاہ اور آذانیں دینے کا عزم مصمم کیا تب سے یہ جرأت مندانہ اقدام جاری ہے شروع ہی سے قائد ملت محافظ ناموس رسالت اسیر مفتئ اعظم الحاج محمد سعید نوری صاحب کا یہی موقف رہا ہے کہ ایک بار جس جگہ مسجد تعمیر ہوجاتی ہے وہ جگہ ہمیشہ ہمیش مسجد ہی رہتی ہے اسی لئے آپ نے یہی فیصلہ کیا کہ جب جب چھ دسمبر کی تاریخ آئے گی ہم اس دن بابری مسجد کی یاد تازہ کرتے رہیں گے اور اس کی آزادی کے لیے دعائیں کرتے رہیں گے۔آج بھی اسی عمل کو دہراتے ہوئے رضااکیڈمی نے جگہ جگہ آذانیں دینے کا سلسلہ جاری رکھا ہے آج کا دن یوم سیاہ مناتے ہوئے کھتری مسجد، مینارہ مسجد،نواب ایاز مسجد سمیت ممبئی کے گردونواح کیساتھ ملک بھر میں سہ پہر 3.45 منٹ کو باقاعدہ طور پر آذان دی گئی اور یوم سیاہ بھی منایا گیا اور باپری مسجد کی بازیابی کے لیے دعاییں کی گیی ۔الحاج محمد سعید نوری صاحب کا کہنا ہے کہ جب تک بابری مسجد کے ساتھ انصاف نہیں ہوجاتا تب تک یہ سلسلہ جاری رہے گا نوری صاحب نے آگے کہا کہ بھارت کے عدالت عظمی کے فیصلے کا احترام کرتے ہیں مگر بابری مسجد کے ساتھ انصاف نہیں کیا گیا اور ہم یہ بھی مانتے ہیں کہ یہ دنیا کی عدالت کا فیصلہ ہے ابھی تو اس کا فیصلہ آنا باقی ہے جو سب کا خالق ومالک ہے بھارت کا مسلمان صبر سے کام لے رہا ہے اور اپنے ملک کے عدالت عظمی کا احترام بھی کررہا ہے رب تعالی اپنے گھر کی بازیابی کے لیے بہتر اسباب پیدا فرماے گا وہی مسب الاسباب ہے اور مسلمانوں کو اسی کی ذات سے امید ہے اس کافیصلہ بهلے دیر سے آے اصل انصاف تو اسی کی بارگاہ سے ہوتا ہے۔
رپورٹ: ظفر الدین رضوی
اپنے وہاٹس ایپ پر تازہ ترین خبریں پانے کے لیے یہاں کلک کریںْ!
