تنظیم اہل سنت کے وفد نے کیا رانچی فساد کے متاثرین سے ملاقات

<p>رانچی</p>
<p>تنظیم اھل سنت کے ایک وفد نے کل بروز سنیچر بتاریخ 23/ جولائی، 2022 کو رانچی کا دورہ کیا اور گستاخی کرنے والی نوبور ملعونہ کے خلاف پر امن مظاہرہ کرتے ہوئے پولس کی گولی سے جام شھادت پینے والے مدثر شھید اور ساحل شھید رحمة الله عليهما کے اھل خانہ سے ملاقات کرکے علما و عوام جمشیدپور کی طرف سے تعزیت پیش کرتے ہوئے انتہائی رنج غم اور مکمل یکجہتی کا اظہار کیا اور ان کے گھر والوں کی ناموسِ رسالت ﷺ کے لیے اپنی اولاد کی شھادت پر صبرو تحمل کےساتھ ظالموں کا قانونی اور آئینی مقابلہ کرنے پر حوصلہ افزائی کی اور خراج تحسین پیش کیا اور ہر طرح کی قانونی اور مالی امداد کرنے کی یقین دہانی بھی کرائی۔</p>
<p>تنظیم اہل سنت کے وفد نے شہدائے ناموس رسالتﷺ کے اہل خانہ کو ایک ایک لاکھ روپے بطور خدمت پیش کیا اور
مدثر شہید کی قبر پر حاضری دے کر فاتحہ بھی پڑھی اور قبرستان کے ایک ذمہ دار کو شھید کی قبر کے سامنے کتبہ لگانے کے لیے بھی کہا۔</p>
<p>رانچی میں فائرنگ کے دوران زخمی ہونے والے افراد سے ملاقات کی کوشش کی گئی مگر رمس ہسپتال میں زیر علاج زخمیوں کے پاس پولیس کے سخت پہرے کی وجہ ارادہ بدل دیا گیا۔</p>
<p>خیال رہے ندیم جس کے کاندھے کے پاس گولی لگی ہے
اس کی حالت نازک ہے، گھر والوں کی مالی حالت بھی اچھی نہیں ہے اور ہیمنت سرکار کا رویہ بی۔جے۔پی۔ کی ظالم حکومتوں سے بھی بدتر ہے۔ اس لیے عنقریب تنظیم کا ایک وفد پھر رانچی کا دورہ کرکے زخمیوں کی امداد کی کوشش کرے گا۔ ان شاءاللہ۔ ایسا تنظیم کے سرگرم ممبر مولانا شمشادالقادری صاحب نے ہماری آواز کو بتایا ہے۔</p>
<p>اس وفد میں مولانا شمشادالقادری، مولانا مفتی ضیاء المصطفیٰ قادری صاحب مصباحی، مولانا پیر برھان الہدی صاحب نوری، مولانا ہارون رشید صاحب نقشبندی اور مولانا شعیب رضویخاص طور پر شامل رہے۔</p>